Maxfiylik siyosati

Tahrir: 2026-10-28 (loyiha — «Shaxsga doir ma'lumotlar to'g'risida»gi O'zbekiston Respublikasi qonuniga muvofiqligini yurist tekshirishi kerak).

Qanday ma'lumot yig'iladi

• Hisob: elektron pochta, ism, parolning xeshi (parolning o'zi saqlanmaydi), til tanlovi.
• Kontent: siz kiritgan tavsiflar (promptlar), yuklagan rasmlar, yaratilgan rasm/video/audio fayllar.
• Rozilik yozuvlari: avatar va personaj uchun rozilik vaqti, IP manzil, rozilik matni versiyasi.
• Texnik: kirish vaqti, IP manzil, xatolar jurnali — xavfsizlik va firibgarlikka qarshi kurash uchun.
• To'lovlar: tarif, summa, holat. Karta ma'lumotlari Lavhalar serverida saqlanmaydi — ular Click/Payme tomonida qayta ishlanadi.

Ma'lumotlar qayerga yuboriladi

Generatsiya uchun tavsifingiz va kerakli fayllar tanlangan AI provayderiga (masalan fal.ai, Replicate, Google, OpenAI, ElevenLabs va boshqalar) yuboriladi; ular xorijiy serverlarda joylashgan bo'lishi mumkin. Fonni olib tashlash vositasi va o'zbekcha ovoz (Sadolar) bizning serverimizda ishlaydi — bu holda ma'lumot tashqariga chiqmaydi. Promptni tarjima qilish yoki moderatsiya uchun matn Anthropic AI xizmatiga yuborilishi mumkin.

Saqlash muddati va o'chirish

Fayllaringizni galereyadan istalgan vaqtda o'chirishingiz mumkin — fayl serverdan o'chiriladi. Hisobni to'liq o'chirish uchun qo'llab-quvvatlash xizmatiga yozing. Moderatsiya va rozilik yozuvlari qonuniy talablar uchun cheklangan muddat saqlanishi mumkin.

Biz nima qilmaymiz

• Ma'lumotlaringizni sotmaymiz.
• Yuklagan yuzlaringizdan boshqa foydalanuvchilar uchun avatar yaratmaymiz.
• Kontentingizdan ruxsatsiz reklama uchun foydalanmaymiz.

Cookie

Faqat zarur cookie'lar ishlatiladi: sessiya (kirish holati) va til tanlovi.

Bog'lanish

Savollar va so'rovlar uchun aloqa manzili domen ishga tushirilganda shu yerda e'lon qilinadi.